Demi Lovato (33) chuan Barney & Friends serial film-ah inlan lo se la chu atan khawvel hian mawina a nei tawh loh mai piah lamah khawvel a chhuahsan tawh hial a ring, a ti.
Kum 7 lek a nihin he serial-ah hian a inlan tan a, hemi hmaa sikul a kalna chu a hun tawn a zawnga hrehawm ber leh hmuhsitna (bullying) chi hrang hrang a tawn nasat ber tum ni hialin a sawi bawk.
“Khatih laia TV-a ka inlan thei ta mai kha ka lawm em em a, amaherawhchu hming chher tur erawh kha chuan ka bei nasa hle a ni. Ka han thlir kir leh changte hian naupangte, mahse a rilru chhungril kawrawng tak mai hnawhkhattu kha Barney chauh a ni,” a ti a.
“Barney ka nih hma kha chuan kum 7 mi lek ni chung si khan mahni intihhlum duhna hial ka nei thin a, ka sikul kalpuite’n tawngkam leh tharum hmangin hmuhsitna chi hrang hrang ka chungah an lantir thin. Naupangte ka nih avang khan ka sawi chhuak tam lem lova, amaherawhchu beidawnna thinlung kha ka pu daih tawh a ni,” a ti bawk.