Aizawl: Dampa bial by-election-a hnenah an chan chhan chu amah leh an party chakna vang ni lo vin, Pathian malsawmna vang chauha hnenah chang an nih thu Dr R Lalthangliana’n a sawi.
MNF Sr. Vice President Dr R Lalthangliana, Dampa bial by-election-a thlan tlin chuan Nilaini khan |uahzawl, West Phaileng, Kawnmawi, Chhippui leh Lallen-te tlawhin mipui hnenah lawmthu a sawi a. Tuna an chakna chhan chu amah leh an party chakna vang ni lo vin, Pathian malsawmna vang chauha hnehna chang an ni tih sawiin Dr R Lalthangliana chuan, “Chhete maha chapo thei kan ni lo va, rilru thianghlim leh rilru hrisel hi mi tinin i pu theuh zawk ang u,” a ti.
“Min thlangtu chauh ni lo, khawvel hmun hrang hrang atanga min tawngtai puitu zawng zawngte chungah ka lawm em em a. MPF leh sorkar official lama thawktute hnenah ka lawm hle a. Lo vanduai ta party dang candidate leh worker zawng zawngte ka tawrhpui a, an kal zelna turah duhsakna sang tak ka hlan nghal bawk a ni,” Dr Thangtea’n a ti bawk.
By-election atana campaign chhunga a hriat loh laia mi rilru an tihnatte a awm anih chuan ngaihdam a dil tih sawiin, unit, block leh campaign committee-te pawh an duhthusama an ngaihsak hman tawk lohnaah ngaihdam a dil a. MNF Campaigner leh party dang campaigner zawng zawngte pawhin harsatna leh buaina lian tham an tawk lo nia a hriat avangin Pathian hnenah lawmthu a sawi bawk.