Aizawl: Kolasib Fast Track Court-in a tunu pawngsualtu H. Khupa (70) chu kum 10 chhung lung in tang tur leh Rs 5,000 chawi turin a hrem.
A tunu pawngsualtu H. Khupa (70) hi Kolasib Fast Track Court Judge, R. Vanlalena chuan Thawhlehni khan thiam loh a chan tir tawh a. Nimin khan hrem a nih dan tur hi ngaihtuah a ni.
Thubuai ngaihtuahnaah hian sorkar ukil, Addl. Public Prosecutor chuan pawngsualtu hian a tunu hi a pawngsual ngei tih finfiahna \ha tawk a awm avangin dan hnuaiah a na thei ang berin hrem turin Court chu a ngen a.
Thubuai neitu aiawha ding ukil chuan hmeichhe naupang hi pawngsual a ni ngei tih finfiahna awm mah se, doctor report a\angin pawikhawihna thlen hun chu a rei deuh tawh avangin naupang laka pawi khawihna thlen dan chu eng ang taka serious nge tih finfiah harsa a nih tawh avangin nep deuh zawka hrem turin a ngen ve thung.
Heng ngenna hrang hrang hi ngun taka a ngaithlak hnuah, Kolasib Fast Track Court Judge, R. Vanlalena chuan pawikhawihtu H. Khupa chu kum 10 chhung lung in tang tur leh Rs. 5,000 chawi turin a hrem a. Pawisa chawi tur hi a pe thei lo a nih chuan thla khat dang a tan belh a ngai dawn a ni.