Aizawl: Central YMA General Secretary Prof Malsawmliana chuan hnam bil tete-a an inlak hran chuan Mizo hnam chu engtikah mah a ding chhuak dawn lo tih a sawi.
Ningani khan Rengzo Joint YMA Silver Jubilee chu Rengzo Rûn, Darchawi khua, Unakoti Dist., Tripura-ah lawm a ni a, Central YMA Prof. Malsawmliana chuan khuallian niin a hmanpui a, Silver Jubilee lungphun hawngin, YMA Flag a pawt pharh bawk.
Silver Jubilee lawmna inkhawmah Prof. MalsAwmliana chuan, Darlong hnamte chu inlungrual taka khawsa hova hnam inpumkhatna vawng nung zel tura chahin, “Mizo fate hi kan la tlem em em a, tumah inla hrang thei kan awm lo, hnam bil te te-a kan inlakhran chuan Mizo hnam hi engtikah mah a ding chhuak dawn lo. Hnam bil te te awmkhawmin Mizo hnam lian pui a siam a nih avangin inlungrual taka kan awm a tul,” a ti.
Hnam bil te te awmkhawmin Mizo hnam lian pui a siam a nih avangin inlungrual taka kan awm a tul,” a ti a. Hnam nunphung leh chin dante, hnam lam leh tawngte pawh humhalh zel turin a chah bawk.
Rengzo Joint YMA-ah hian Branch pariat an awm a, member 600 bawr vel an awm bawk. Tripura Group YMA hnuaia awm an ni. Rengzo Joint YMA bakah hian Darlong Zohnahthlak Inzom (DZI) an awm bawk a. DZI huaihawt hian Pawl Kût an hmang nghal bawk.