AZL: Mizoram State Sports Council huaihawtin infiamna lama inkaihhruaina mumal zawk a awm theihna tur leh Mizoram pum dapchhuaka thalaite talent hai chhuahna tura sorkar hmalakna ‘Empowering Mizoram Sports’ (EMS) chu Home Minister K Sapdanga’n a hawng.
Ramhlun Indoor Stadium, Conference Hall-a hawnna inkhawmah K. Sapdanga chuan, Empowering Mizoram Sports (EMS) chu Mizoram tan infiamna lama bung thar pawimawh tak a nih thu a sawi a. Infiamna lama khawvel hriata Mizote inpho chhuah theihna tura hmalakna pawimawh tak a nih thu sawiin, kum 2036-a Olympic games lo awm tur atana inbuatsaihna tur a nih thu te, thalaite ruihhlo leh ngawlveina hrang hrang lak atanga chhanchhuahna tur peng pawimawh tak pakhat a nih tur thu a sawi.
Inkhawmah hian khuallian K Sapdanga hian awmze nei lehzuala training kalpuina tura duan inkaihhruaina, Training Manual pawh a tlangzarh nghal bawk.