Pu Lalduhawma, Mizoram chief minister chuan Mizoram chhim lam Darzo ah electric power megawatt 2400 siamchhuahna tur an din dawn thu a sawi a. Power lakluh leh lei chungchanga harsatna lian tak nei Mizoram tan thu lawmawm a tling a, a tak thlen hun a nghahhlelhawm dawn khawp mai. Politician-te thusawi hi a tak thleng ta lo hi kan ramah hian chhui dawn ila a kuma kum chhui tham a awm tawhin a rinawm.
Engpawh nise, kan chief minister thusawi hi han pawm phawt ila. Chutih ruala thil lo lang chiang tak kan CM in a sawi chu he power project buatsaihnaah hian state sawrkar chu central hian a rawn miah lo va, a sawi dan khan keimahni project ni lovin, central project a ni mah mah a, a contractor thlengin an lo appoint tawh a. Power chungchang hi central leh state a concurrent list a mi a ni. Hetianga central lamin kan state-ah project lian a lo ruahman a nih chuan a ram neitu kan state sawrkar chu rawn ve awm tak a ni a, central sawrkar hian min palzut ta mah mah niin a lang. Hei hian ngaih a ti tha lo hle.
Tunhnai lawkah kan ram chhunga central sawrkarin a duh duhnaah hma a lak phalna turin Forest Conservation Amendment Act (FCAA) chu kan state legislative assembly chuan hmanhmawh takin an passed chuk chuk a, an passed lai khan kan CM hian defence leh thil pawimawh bikah lo chuan central hian engmah anmahni thu in tih theih an nei lo ti khan a sawi a, power generation hi defence thil a nih hriat a ni lova, kan state chhungah defence thil ni lovah pawh an duh duh an ti mai dawn tih fiahna a ni ber. Kan CM in a sawi dan hian a hmain a hriatpui hauh lo tih a chiang hle. FCAA hnuaiah hian kan ram chu chiang takin central kutah a hlan a ni tih a fiah a, hetiang a nih dawn chuan kan ramah hian kan thu lo hle a, kan ram hi central kutah kan hlan lo ti mahse an hlanzia a lang a, mipuite duh danin he dan an lo passed tawh hi hnuk let leh ngei teh se.
Power generation hi defence thil a nih hriat a ni lova, department hran leh ministry hran daih an ni zawk. Hetia kan state chhungah defence thil ni lovah pawh an duh duh an ti mai dawn a nih chuan kan him ta lo hle tihna a ni. Kan CM sawi dan hian a hmain a hriatpui hauh lo tih a chiang hle. Kan assembly-in FCAA a adopt tak hnu hian kan ram chu chiang takin central kutah hlan a ni ta tih ang hial pawhin a ngaih loh theih loh. Hetiang a nih chuan kan ramah hian kan thu lo hle a, kan ram hi central kutah kan hlan lo tih mahse thu an rawn neih tak zia a lang a, kan hnam himna atan he dan an lo passed tawh hi hnuk let leh ngei teh se.