Governor-te chenna, Raj Bhavan tia hming vuah thin chu hmun hrang hrangah Lok Bhavan tia thlak mek a ni a, hei hi sorkarin ‘vantlanga hnathawh’ tih thupuia a neih kalpuina a ni.
Uttarakhand, West Bengal, Tripura, Kerala leh Tamil Nadu-ah chuan Raj Bhavan hming hi thlak a ni tawh a. An thlak thu hi social media-ah governor-ten an tar lang hlawm nghe nghe.
Lok Bhavan, Kolkata chuan X-ah Raj Bhavan hming puin thu a chhuah a, “Prime Minister Zahawm, Pu Narendra Modi-a’n ram hruaina thlaka mi fuih phurtu nia hma a lakna hrulhah ram chhunga mi tinin VIKSIT BHARAT thlen tumin hma an la a. Ram chhunga Raj Bhavan leh Raj Niwas zawng zawng pawh inang tlangin LOK BHAVAN leh LOK NIWAS tiin Ministry of Home Affairs-in November 25, 2025-a hriattirna a chhuah angin thlak a ni dawn,” an ti.
BJP chuan hming thlak hi Prime Minister Narendra Modi-in vantlang tana hna thawh a thlirna kal zela tih a ni tih a sawi.
Prime minister chenna in, kum tam tak lo hman tawh hming thlaka bul tan a ni a. Prime minister hi 7 Race Course Road-a cheng thin a ni a, Modi-a’n thuneihna a chan hnu kum hnihah Lok Kalyan Marg tia thlak a ni.
Modi-a kaihhruai sorkar hnuaiah hian sorkar hnathawhna hmun leh vantlang hmunte chu tih tur leh langtlang tih lantir nan an hming thlak a ni hlawm tawh a. Hetiang ngaihtuahna hi sorkar tih tur chu mipui rawngbawl tih atanga chhuak a ni.
Ram khawpui bera kawngpui lar ber pakhat, Rajpath pawh Kartavya Path tia thlak tawh a ni a. Prime Minister’s Office complex pawh Seva Teerth tia thlak a ni danw bawk.
Ministry zawng zawngten in hrang luaha an awmna, Central Secretariat pawh sawn chhuah a nih hnuah Kartavya Bhavan tia thlak a ni a, hei hi vantlang tana hna thawh chu dinhmun ni lovin inpekna a ni zawk tih lantirna tur a ni.
BJP hruaitu pakhat chuan hetianga hming thlak hian entirna hrang hrang a nei a, ngaihdan leh thlir dan inthlak a keng tel niin a sawi a. Indian mipui rorelna chuan thuneihna aiin mawhphurhna, dinhmun aiin thawh a keng tih a tilang niin a sawi.