AZL: Bana Kaih Phase II-a CM Special Package dawng turten hamthatna an dawn thuai theih nan hma la mek.
Dr. K.C. Lalmalsawmzauva, Adviser to CM (Implementation of Handholding Policy) kaihhruaiin nimin khan Mizoram State Policy Coordination Committee chu Planning & Programme Implementation Department Committee Room-ah an thukhawm a, Bana Kaih chungchang an sawi ho.
Thutkhawmah hian Bana kaih hnuaia progress partner-te hmalaknate leh an hlawhtlinna pho chhuahna tur siam leh thehdarh dan tur te, rang zawka progress partner-ten loan an hmuh theih nan bank tam zawk nena thawh ho dan tur te, progress partner loan la hmu lote’n loan an hmuh loh chhan leh an hmuh vat theih dan tur te, thil thar chhuah lei leh hralh chungchang te leh thil pawimawh dangte an sawi ho.
Bana kaih phase II-a CM Special Package dawng tur progress partner 463 thlan an ni tawh a, hamthatna an dawn thuai theih nan sorkarin department hrang hrangte nen tangkawpin hma a lak mek thu an sawi.