Blake Shelton leh Gwen Stefani te chuan kum laihawl vel atanga an inkar khi awm anga sawi fo chu thuthang mai, dawt thu mai a nih thu an sawi.
Kum 49 mi Shelton leh kum 56 mi Stefani te hian an nupa inkar sawi neuh neuh hrang hrang awm leh thin chu dawt thu mai a nih thu an sawi a, an pahnih hian thuchhuah siamin, inthen tumna hi kan nei lo a, kan kalna line lamah kan buai dun em em a, hun awl kan neih chuan inthlahlel takin kan inbia a, inpawh takin kan awm thin zawk a ni, an ti.
Blake Shelton hian kum 2023 khan The Voice chhuahsanin, hemi hnu hian a studio album 13-na ‘For Recreational Use Only’ tih chu a tichhuak a, January thla hian Las Vegas ah programme lian tham siam a tum thu a sawi bawk.
Hetih lai hian Gwen Stefani pawh hian kumin March thla khan a album Bouquet deluxe version tichhuakin, an band No Doubt ho nen kum thar May thla velah show nei tura Las Vegas pan an tum thu a sawi bawk a ni.