Christina Aguilera chuan a fate chuan make-up an ngaina lo hle a, an natural beauty chu an ngaihlu ber niin a sawi.
Thawhlehni khan Jennifer Hudson Show episode-ah he thu hi sawiin, a fate Max Liron,17 leh Summer Rain,10 te chuan an lo tleirawl chho ve zel a, mahse make-up nena inlan buai vel hi an peih thin lo tia sawiin, nu mit atang erawh chuan an nalh ber reng tho a ti zui bawk.
Kum 44 mi zaithiam chuan shooting engemaw neuh neuh an nei chho ve zeuh zeuh a, inchei buai hi an peih lo fo mai a, pangngai taka lan mai hi an duh zawk thin a, kei ngei pawhin harsa ka tih chang hi a tam viau. Mahse, ka mitah chuan ka fate chu an mawi reng tho a, mahse mi lo hmuh leh thlir dan tur hi a ngaihtuah loh theih loh a, mahse kei chuan lawmawm lamah ka ngai tho thin a ti.
A thawm a reh vang vang hnuah Aguilera hian a project thar ber ‘Christina Aguilera: Christmas in Paris’ chu December ni 14 leh ni 21 hian theatre-ah tihchhuah a tum a, zai lam pawh chawlhsan mai tumna a la neih loh thu a sawi zui.