AZL: Aizawl khawpui chhunga lirthei intlanchhawk kalpui chhunzawm zel dawn.
Nilainia Chief Secretary Khilli Ram Meena hova Chief Secretary Conference Hall, MINECO-a Core Committee on Traffic Management thukhawmin Krismas vuakveta Aizawl khawpui chhunga lirthei tlan dan tur an sawi ho va. Thutkhawmah hian Unified Transport Co-ordination Committee (UTCC) Chairman leh Municipal Commissioner, Aizawl Municipal Corporation (AMC)-in thurawn a pekte an pawm.
Thurawn an pawm zingah Superintendent of Police, Traffic Aizawlin thu a lo chhuah tawh angin, Aizawl khawpui chhunga lirthei intlanchhawkna tur kawngpui dungte chu thu leh awm hma chuan hman chhunzawm zel a ni ang, tih leh December ni 23, 24 leh 31, 2025, chawhma dar 10:30 – tlai 4:30 chhung hian Chanmari atanga Zodin Square thleng chu ‘No Vehicle Zone’ a puan a ni ang tihte a ni.