Aizawl: Mizoram pum huap Catholic Thalai Pawl inkhawmpui vawi 21-na, St Francis Xavier Parish, Lawngtlaia neih chu Pathianni zan khan a tiak.
Diocese Catholic Thalai Pawl inkhawmpui chu December 11, 2025 atang khan Rorel Inkhawm a nei tan niin, thupui thlan bik hrang hrang hmanga thusawi ngaihthlak a ni bawk.
Inkhawmpui hi Most Rev Bishop Stephen Rotluanga, Bishop of Aizawl chuan a hmanpui a. Inrinni kalta khan cultural day hman niin, thupui sawi ho a nih bakah, Cultural session hman a ni a. Hemi ni vek hian, inkhawmpui apianga an lo tih thin angin khawtlang tana thil tha tihna hun atan hman a ni a, Catholic Thalai Pawl te hian Central Young Lai Association (CYLA) hnenah Oxygen Concentrator leh YLA Branch 10-te tan gas stove an pe a. Inkhawmpui thlengtu Branch, YLA Vengpui leh New Vengpui te tan plastic thutthleng an hlan a. Hemi ni vek hian Lawngtlai khawpuia miharsate thlan bik chhungkaw pangate tan krismas chibai bukna thilpek an pe a. Lawngtlai District jail-ah puan nuam bale pakhat an pe tel bawk.
Pathianni khan Mass Thianglim neih niin, chawhnuah thupui sawiho a nih bakah, programme hlimawm hman a ni a. Nizan khan inkhawmpui hi a tiak a ni.