Aizawl: Kumin January 11-a North Khawlek ram chhung, Thingkhuang ngaw puka ruhro hmuh chhuah chu DNA zirchian turin a sample lak a ni.
Ruhro Sample la tur hian Birbal Salni Institute of Paleoscience, Luknow-a Director, Prof. Mahesh G. Thakkar leh Sr. Scientist, Dr. Niraj Rai te an kal a, heng mite hi Art &Culture Archeologist, Vanlalhuma Singson-in a tawiawm a ni.
North Khawlek ram chhung, Thingkhuang ngaw puka ruhro hi INTACH Mizoram Chapter leh Art & Culture department tangdun chuan kumin May ni 2 khan a sample lain, a upat zawng hre turin carbon dating an ti a, sample hi Beta Analytic, Miami Florida USA ah thawn niin, an zirchianna atangin heng ruhrote hi kum 1260 AD leh 1320 AD inkara mi a ni tih finfiah a lo ni tawh a ni.