Aizawl: Mizoram sorkarin February, 2026 atangin hmunphiah a lei tan dawn a, a ro tha chauh a lei dawn.
Mizoram Agricultural Marketing Board (MAMB) chuan kum 2026-27 chhunga kut hnathawktute thar chhuah hmunphiah chu lei leh nise a ti a. A lei tur hian Mizoram Handloom & Handicrafts Development Corporation Ltd. (ZOHANDCO) chu a ruat nawn leh a ni.
ZOHANDCO chuan hmunphiah hi thliar loh (ungraded) a lei dawn a, a ro tha chauh a lei dawn a. Secondary Collection Centre hrang hrangah kg 1-ah Rs 80 in a lei dawn a. Hmunphiah lei turte hi ZOHANDCO official duty-ten an endik thin dawn a ni.
Secondary Collection Centre hrang hrang – Sakawrdai, Saitual, Marpara South, Marpara North, West Phaileng, Bilkhawthlir, Saipum, Mamit, Tlabung/Tiperagath, Lungsen, Thenzawl leh Vairengte ah te a lei dawn a. Society kaltlang chauha lei tur a ni dawn a, society kaltlang loin mi mal ta lei a nih dawn loh avangin society-a inziak lut vek turin an ngen.
Hmunphiah leina man hi society bank account kaltlanga inpek vek tur a ni a, mi mal bank account hmanga hmunphiah man inpek hi ZOHANDCO chuan pumpelh a duh a, loh theih lohna avanga society-in mi mal bank account an hmang dawn a nih chuan society members meeting resolution an thil tel a tul dawn a ni.