Aizawl: Agriculture & Farmers Welfare Department chuan tun hnai khan SASCI 2025-2026 Part VII-B hnuaiah Digital Crop Survey (DCS) kalpui tha lawmman chu Kharif 2025 atangin Rs vbc 60 an dawng.
Digital Crop Survey (DCS) titha lawmman an dawn thu hi, department changtu Minister PC Vanlalruata chuan Nilaini khan a pisa-ah chanchinbu mite hmaah a puang a. India ram state pumpuiah state pakua-in lawmman an dawng a, hmarchhak state bikah Assam, Sikkim leh Mizoram in an dawng tih a sawi.
Mizoram hian Milestone-1 ah hian lawmman hi a dawng a, India hmarchhak state tan bik Rs vbc 10 pek belh an nih avangin, Rs vbc 60 hi an dawng a, he pawisa hi agriculture department ta tur bik ni lovin, planning department chuan an tul angin a hmang dawn a ni.
Agriculture Minister PC Vanlalruata chuan sorkar tana hetiang zat sum an thawkchhuak chu an lawm hle tih a sawi a, hemi atana department thawktute inpekna leh Revenue department te hmalaksaknaah lawmthu a sawi.