A hma chuan zaia eizawngin, Spice Girl member a ni a, Posh Spice tia sawi thin a ni. A hnuah fashion designer niin, chuti lam zawng chuan vawiin thlenga sawi zui a ni bawk. Mahse, tunah chuan official takin hming thar a neih thu a sawi.
Victoria Beckham hi a namailo a, a dai chin apiangah a hlawhtling a ni ber. A pasal fanau, inchhung khur a enkawl dan bakah, a mimal eizawnna thlengin fak a hlawh a, tunah a pasal David Beckham-a’n knighted title a nei zui leh tawh bawk nen, amah pawh a hlimin, a phurna a zual hle.
Kartir lam khan Victoria hi Live show pakhatah inlanin, November thlatir lama a pasalin knight nihna a neih thar tak avangin amaha engemaw inthlak danglam a awm em, tih zawh a ni a. “Ka pasal chu Sir David Beckham a ni ta a, keipawhin official takin ka zawm ve a ngai, designer nimah ila ‘Lady Beckham’ ka ni ta,” tiin a chhang.
November thlatir lama ka pasal David,50 in King Charles hnen atanga knight nihna a dawn khan, keipawhin official takin ka hming tur ka lo dawng ve nghal a, ka pasal ka chawimawi leh zahna langsar tak atana ti ka ni bawk, tiin Lady Beckham chuan a sawi zui a ni.