Titanic movie en lo leh hmuhnawm ti lo chu an vang viauin a rinawm. Kum 1997 daiha tihchhuah ni tawh mah se vawiin thlengin hollywood movie hmuhnawm zinga chhiar a la ni reng a, mahse kha ta a changtupa ber Leonardo DiCaprio thung chuan a en zui ngai lem loh thu a sawi.
Nilaini khan Leonardo leh Jennifer Lawrence te chu media hma thu dunin, zawhna hrang hrang an inzawt dun a, kum 35 mi Lawrence chuan Titanic chu a en nawn ve fo thin em tih zawhna zawtnain, “No, ka ennawn tawh ngai lem lo” tiin Leonardo chuan a chhang.
Lawrence chuan mak ti taka en pahin, “En teh, i en fo tur a ni. Khatiang film hmuhnawm lutuk chang chhuak thiam i ni a, lo en ve fo teh,” tiin a fiam let a.
“Ka film chan hote hi ka enzui tak tak tawh ngai lo,” DiCaprio chuan a la ti hram.
Titanic film hmuhnawm tak kha James Cameron-a direct niin, DiCaprio leh Kate Winslet te chu a changtu nu leh pa niin, an za hian vawiin thlengin an hming an chher zui phah hle a ni.