- Dr. C. Lalrampana
Mizoram hi India rama ruihhlo luhkapui awlsamna hmun transit point pawimawh tak a ni a, a bik takin Myanmar atanga lokal a ni. State hian Myanmar nen hian km 510-a thui ramri a nei a, hei vang hian ruihhlo hlauhawm leh smuggling luhna kawngpui zau tak a inhawn huau avang hian kan dinhmun hi a tha lovin a hlauhawm hle a ni. Tun hnaia thil awm danah chuan Mizoram sorkar chuan dan lova ruihhlo sumdawnna tihtawp tumin thla li chhung zet special campaign a kalpui a, September 1, 2025 atang khan a tan a, December 31, 2025 thleng a chhunzawm a ni.
Joint operation-ah Narcotics Control Bureau leh Central Reserve Police Force chuan methamphetamine kg 5.9 an man a, December 2025 khan Aizawl bulah transnational drug syndicate member pariat an man a. Mizoram police-te chuan September 1, 2025-a ‘Operation Against Trafficking & Use of Drugs and Narcotics’ an hman ?an a?ang khan ruihhlo cheng vaibelchhe 16 chuang man an man tawh a, an thil man zingah hian heroin 12.881kg man Rs 2.56 crore leh 101.642Kg man chu Rs 13.21 a ni. Operation dang pakhatah chuan state excise leh narcotics official-te chuan methamphetamine kilogram 14.905 leh heroin gram 707 an man a, Myanmar mi pahnih an man a ni.
Mizoram sawrkar chuan state-in ruihhlo tawlhruk dona kawnga a beihna tichak turin high-level coordination committee a din a. Police Department chuan ruihhlo luhna hmun, a bik takin Myanmar ramri bulah duty a tipung a, Young Mizo Association (YMA) nen ruihhlo tawlhrukna tihtawp tumin an thawk dun a ni.
Ruihhlo hmansualna hian Mizoramah nghawng lian tak a nei a, kum kal ta chhung khan mi 111 lalin ruihhlo hmansual vangin nunna an chan a, hmeichhia 18 an tel a ni. State sorkar chuan ruihhlo tawlhruk leh ruihhlo hmansualna dona kawnga hmalakna tichak turin hma a la a, Chief Minister Lalduhoma chuan sorkarin ruihhlo hlauhawm dona kawnga a inpekna chu a sawi nawnleh a ni.
India’s Golden Triangle: He tourist circuit hian India hmar lam khawpui pathum – Delhi, agra, leh jaipur-te a thlunzawm a. Heng khawpuite hi map-ah hian triangle an siam a, an chanchin ril tak, an nunphung ro hlu leh architectural grandeur-te avangin an lar hle. India rama Golden Triangle hi khualzinte tlawhna hmun lar tak a ni a, ram chhunga hmun hrang hrang, hnam dan leh chanchin hriatna hnar a ni.
Delhi: Khawpui lian ber, a hmun pawimawh tak tak, Red Fort leh Qutub Minar-te ang chite a awm a ni.
Agra: Khawvel hriat hlawh Taj Mahal, UNESCO World Heritage Site awmna hmun te, Jaipur: Khawpui pink, a lal in, kulh leh market tha tak tak awmna hmun hmingthang tak a ni.
Southeast Asia’s Golden Triangle: He bial hian Mekong leh Ruak lui inzawmna hmuna Thailand, Myanmar leh Laos ramrite a kawk a ni. Tourist destination lar tak a ni a, a natural beauty, cultural richness, leh historical significance hmanga hriat lar a ni. Thailand: Golden Triangle hi Chiang Rai Province-ah a awm a, Mekong lui thlir theihna hmun mawi tak tak leh hmanlai temple leh khaw hrang hrang tlawh theihna hun remchang a awm a ni. Myanmar: He bial hi opium sumdawnna chanchina hriat lar a ni a, ram chhunga hnam nunphung ril tak takte thlirletna tha tak a ni.
Laos: Laos khawpui chhunga Golden Triangle area hi hmun reh tak a ni a, remna zawnga chhuahna tur zawngtute tan chuan a tha hle.
Khing Golden triangle pahnihte khi an pawimawh hle rualin Southeast Asia’s Golden Triangle hi chu kan ram Mizoram tana ruihhlo hlauhawm lo luhna hnâr a nih avangin kan ramin a lãrpui mek dan hi chu a duhawm lem loh hle. Kum 1984 atanga kum 41 zet ruihhlo kan do hnuah reh ahnekin ‘a zual zawpui vailenhlo’ tih ang maiin a kum telin ruihhlo a tam tual tual a, a lo luhna hnâr ber Southeast Asia’s Golden Triangle atanga dan pin a nih loh chuan Mizoram a lo luh tawh chinah chuan ruihhlo man chang awm thin mah se zaa 90% vel hi chu man loh, a thlenna tura thleng zar zar a nih ngei a rinawm.
Mizoram Excise & Narcotics Department chuan kum 2025 chhungin hmalakna hrang hrang an nei a, ruihhlo dona kawngah nasa takin an thawk. An hmalakna hrang hrang zingah: Ruihhlo Man: Heroin kg 80.594, Methamphetamine kg 425.144, Ganja kg 801.67 leh clinical drugs tam tak an man.
Case Ziahluh: NDPS Act hnuaiah case 1,016 ziahluh niin, mi 1,563 man an ni.
Foreigners Man: Myanmar mi 100 chuang man an ni.
Drug Awareness Campaign: Mamit district-ah Drug Awareness Campaign neih niin, tleirawl 416-in ruihhlo ti lo tura intiamna an siam.
Revenue Collection: Kum 2024-2025 chhungin Excise Department chuan cheng nuai 2,37,35,448 an khawn.
Hei bakah hian, Excise & Narcotics Department chuan ruihhlo dona kawngah nasa takin an thawk a, kum 2025 chhungin hmalakna hrang hrang an nei. Heti chubg hian Kum 2025 chhung khan mi 111 ruihhlo vanga an awm a, mipa 93 leh hmeichhia 28 thi a ni. Kum 20 hnuah ruihhlo vanga thi an tam ber a tum a la ni. Kum 2004 kha ruihhlui vanga tam ber tum a ni a, mi 143 an thi a, thite hi kum 14-57 inkar an ni tlangpui thin. Ruihhlo vanga thi zawng zawng hi kum 1984-2025 inkar khan mi 1990 an tling tawh a ni.
Hetiang hi kan dinhmun mek a ni a, sawrkar, kohhran, NGO leh pawl hraang hrangte’n ruihhlo do beihpui thlak chiam thin mah ila, a sawt mawh hle. Mahse, tihsual kan nei. Kan political party-te hian an manifesto-ah ruihhlo do beihpui thlak tura hmalakna tur an dah ngai lo. Zu ringawtah an buai a, kohhran Synod etc. pawh chuti bawk. 1984 ruihhlo kan do tirh atang khan zu ringawt la váwng lovin ruihhlo hlauhawm engpawh, a chikimin mar patin tihtakzetin annual budget-ah sum tam tawk dahin do tawh ni ila chuan tunah chuan a ziaawm tawh ngawt ang. Mahse, khawvel awm chhung chuan dorem vek theih erawh a ni kher awm love.
Hetianga theihtawp chhuaha kan do chung pawha kan do hneh lo a nih si chuan US President Donald Trump hi pun ve tawh mai ila, Southeast Asia’s Golden triangle khi bomb darh vek turin ngen ve ta mai ila a tha ber mai ang em, kan pun ve law law mai dawn em niang? A nih loh vek pawhin Mizoram sawrkar hian India ram Khawpui liana traffic a kalpui ang khuan kalpui ila, helaia police traffic duty zawng zawng deuhthawte nen IR battalion-ho nen a tam thei angin ruihhlo lo luhna Burna leh Bangladesh, tripura, Assam ramri khan awm zawng zawngah duty dah vek ni se, mi rinawm lo leh, rintlak lohte erawh dimna nei miah lova an chungah thununma lek ni bawk se, tuna kan dinhmun mek ai hi chuan nasa takin hma kan sawn ngei ang.