MPCC chuan nimin khan kum 2026 atan Congress Bhawan hawnna inkhawm neiin Aizawl Municipal Council (AMC) inthlan hmabakah ward 13-a an thenkhata an candidate tur an puan bawk.
An party president, Lal Thanzara chuan kum kalta chhungin an party-in Pathian hruaina tam tak an dawng a, party dang atangin member thahnem tak Pathianin a pe tih a sawi.
Lal Thanzara an party mite chu party-a nghet tak a awm turin leh beidawng mai lo turin a chah a, thingtlang lam a an mipuite manganna ata khai chhuak turin an tanrual a pawimawh tih a sawi.
Party dangin an party chanchin a chhe zawngin puh thin mah se, anmahni zawk hi an rinawma an inkawmngeiha theihtawp an chhuah phawt chuan Pathian malsawmna an dawng zel a beisei thu a sawi bawk.
Kum 2025 chhung khan inthlanna hrang hrangah, a hma kum ai chuan hma an sawn hle niin a sawi a. Theihtawp chhuah an beih zel chuan hma lam an pan zel tur thu a sawi.
AMC atana an candidate an puante hi ward 13-a ding turte niin an zinga mi pasarih hi hmeichhia an ni.
AMC inthlan hun hi puan chian a la ni lo va; mahse, dan pangngaiah chuan February thla laihawl vel hi ni tura ngaih a ni.
MPCC-in candidate an puan tawhte:
Ward no. I – Laldinpuii w/o Lalpekhlua Lelchhun, Durtlang
Ward no. II – Lalrindiki Chawngthu w/o Rualtinkhuma, Chaltlang
Ward no. III – Lalremruata Renthlei s/o R. Chawngkunga Ramhlun North
Ward no. IV – R. Lallianzuali d/o R. Lalkhuma (L), Ramhlun South
Ward no. V – Vansangkimi w/o Sammy Lalmawia, Electric Veng
Ward no. VIII – K. Lalfakzuala s/o Lalhnuaia (L) Armed Veng
Ward no. IX – Lalawmpuii Pachuau w/o H. Lallianmawia, Chhinga Veng
Ward no. X – V. Thanzawna (Tz-a) s/o Patea, Zotlang
Ward no. XI – Zohmingthangi w/o Lalrochhara (L), Sakawrtuichhun
Ward no. XIII – Aldrin Zosangliana s/o A.V Pakunga, Dawrpui Vengthar
Ward no. XIV – Vanlalvena s/o H.C Vanlalsiama, Mission Vengthlang
Ward no XVII – Lianhmingthangi d/o Challianngura Chhakchhuak (L), Venghlui
Ward no. XVIII – Lalhmingliana Colney s/o R.L. Thanzawna MCS (Rtd), Tuikhuahtlang