Kan khawpui ber enkawltu Aizawl Municipal Corporation (AMC) inthlan hun a hnai leh ta hle. Political party hrang hrangte pawhin veng tina an candidate tur ngaihtuah tanin, party thenkhatte phei chuan an puang tan tawh hial.
AMC hi kan khawpui hmel tilangtu, kan khawpui cheimawia, ruahmanna felfai siamtu an ni a, a enkawla, hemi atana roreltu turte pawh hian kan ngaihtuah uluk a ngai hle.
Party hrang hrangte chuan hun hmasa lam atangin a hunlaia thalaite leh mipuitea thawm na, an candidate tlin theihna tur a nih chuan an zawng thin nite hian a lan lek lek chang a awm a, hei hi kan vei a hun viau bawk.
Politics lama tawnhriat nei lem lo, hmathlir thui em em pawh nei lem lo, ngaihtuahna hmang ngai miah lote hi an lo tling fo tawh ang tih a hlauhawm a, thenkhat phei chu engemawti zawnga mipuite hmelhriat an nih avanga candidate tura sawm, vannei chho zuita pawh an awm mahna. Heng mite hi an tha ber kher em tih thleng hian ngaihtuahna kan hman a va hun ta em.
Kan khawpui ber Aizawl hian duat a mamawh a, cheimawitu a duh a, rem fel thlengin a ngai bawk. Chutiang atana hmalatu tur leh ngaihtuahna hmang thiam, kil hrang hranga ngaihtuahna seng mi thlang turin mipui lamte i lo inbuatsaih sauh sauh ang u.