Nicole Kidman leh Keith Urban te chu thla thum chuang an inthenna lehkha a inchiah hnuah January ni 6 khan court chuan a tifel ta.
Lemchan thiam Nicole Kidman leh zaithiam Keith Urban te hi kum 19 zet an inneih hnuah nikum September thla tawp khan inthenna lehkha an thehlut a, court chuan thla thum hnuah a rel felsak ta a ni.
An pahnih hian June 2006 khan inneiin, nupa hlim leh chhungkaw duhawm tak an ni reng thin a, mahse kum 19 a vei meuh chuan Nicole Kidman-i’n inthenna lehkha a thehlut ve ta a, an chungchang ngaihtuahtu Nashville court chuan anmahni duhna hrang hrangte chu zahsakin, inthenna lehkha pawh a pe chhuak ta bawk.
An pahnih hian fanu pahnih Faith,15 leh Sunday,17 te an nei hman a, an fate chungchangah pawh thuneihna inang hmanga enkawlzui tura tih an ni bawk.