National Billiards & Snooker Championship 2025-26 khelin Lalsangzela chu Thawhtanni khan Haryana a pan.
Championship hi kar hmasa Nilaini atanga tan tawh kha niin January 27 thleng awh tur a ni.
A tan ni atang khan Pathianni thleng qualifying an khel a, Senior Snooker Main (24 groups of 4) chu Thawhtanni atanga Pathianni thleng hian HL City Bhadurgarh, Haryana-ah an khel mek a ni.
Championship hi group 24-ah thenin group khatah player pali zel an awm a, best of 5 frames-in an inkhel vek dawn a ni.
Khatla South, Aizawl tlangval hi Group W-ah awmin, R Girish – Railway Sports Promotion Board (RSPB), Bala Krishna – Telangagna (TLGN), Manish Jain – West Bengal (WB) te nen an awm ho a ni.
Championship khel tur cham mek MSBA player Sangzela hi January 23-27, 2024 chhunga buatsaih, ‘Mizoram State 6 Red Snooker Ranking Tournament 2024’-ah champion a ni a. March 18-30 chhunga buatsaih Mizoram State 9 Ball Pool Championship-ah champion a ni a. May 20-25 chhunga Mizoram State 9 Ball Pool Ranking Tournament 2024-ah khan finalist (Runners Up) a ni bawk.
Nikum June 24-29 chhunga buatsaih Mizoram State 10 Ball Pool Ranking Tournament 2024-ah quarter finalist a lo ni a. July 15-20 chhunga buatsaih Mizoram State 6 Red Snooker Ranking Tournament 2024-ah a champion.
November 10-15, 2025 chhunga Millennium Centre Atrium-a buatsaih Ather Electric Scooter 9 Ball Pool Championship 2025 finalist a ni bawk.