Aizawl: Sihphir Neihbawi quarry chimin a delh, Solen Tudu (38) ruang hmuh a ni a, ruang pakhat hmuh a la ni lo.
Zirtawpni tlai dar 3:30 vela Sihphir Neihbawia Lalchangliana enkawl quarry chimin a delh mi pahnihte ruang zawn chu nimin khan Aizawl DC office-a Quick Response Team leh Geology & Mining Engineer-te kaihhruainain Sihphir Branch YMA QRT member mi 20-te nen chhunzawm a ni a, tlai dar 4:30 vel khan Jharkhand-a Dumka district-a Dupari khaw mi ruang hi hmuh a ni a, doctor koin a enfiah nghal a, a ruang hi a pain Jharkhand-ah lak a tum a; mahse, sorkar aiawhte leh Sihphir branch YMA hruaituten a ruang a chhiat tawh avangin hawn chi-ah an ngai lo a, a pa hi hrilh fiah mah se a hriat thiam loh avangin a awm zel dan tur hi hriat a ni rih lo.
Hetih lai hian Samal Chakma ruang pawh zawn zel a ni a, beiseina sang tak neiin a zawn hna an chhunzawm zel dawn a ni.