Aizawl: Mizoram Arsenal Supporters Club (MASC) chuan Inrinni khan Zarkawt Community Hall-ah ‘Thisen Pek Rûnpui, 2026’ an buatsaih a, unit 34 an pe.
Thisen petute hi mipa 28 leh hmeichhia paruk an ni a, pek tuma kal hi mi 38 an awm thung.
Mizoram Arsenal Supporters’ Club hi January 25, 2020 khan din a ni a, thisen pek rûnpui hi an lo buatsaih fo tawh a. Thisen pek nana a thlawna hmun hmantirtu, Local Council, Zarkawt chungah lawm thu an sawi a. Tlawmngaia thisen petute chungah MASC chuan lawm thu a sawi bawk.
MASC-in thisen pek rûnpui an lo buatsaih tawh dan chu hetiang hi a ni: January, 2021-ah unit 44, December, 2021-ah unit 50 leh February, 2023-ah unit 66 an pe a ni.