Aizawl: Mizoram Tourism department-in mikhual riahna nei lote chu an dawr hminga hotel ziak tel tawh lo turin a hriattir.
Hriattirna a tihchhuahah, ‘Hotel’ tih awmzia chu mikhual riahna (lodging/accommodation) tihna a ni a, riahna a tel loh chuan ‘Ho-tel’ tih hi dan leh sorkar hrilhfiahna angin a tel thei lo tih an sawi a. ‘Hotel’ tih hming signboard a tar lannaa riahna tel lo chu mipui leh khualzinte hruai sualna niin mipui a bum theih avangin, kawng kama thingpui dawr siamte chuan riahna an nei tel lo a nih chuan ‘Restaurant’ tih chauh an dawr hmingah telh tur leh mikhual riahna nei lote dawr hminga ‘Hotel’ ziakten telh tawh lo turin a hriattir.
Hetih rual hian, an ei leh in siamte a thianghlim thei ang bera buatsaih a chhawp chhuak turin Mizoram chhunga ei leh in siamtute a hriattir nghal bawk.