MFA Cup vawi 24-na chu Inrinni atang hian Lunglei-ah khelh tan a ni dawn a, Mizoram hmun hrang hrang atangin club 12 an inlan ang.
Kumin inelna hi Lunglei District Football Association (LDFA)-in C Thuamluaia Mualah an thleng dawn a. A thlengtu district atang hian club pahnih inlanin a bak district dang zawng atangin club pakhat theuh an tel dawn a ni.
Inrinni atanga inelna tan turah hian champion lai chu Electric Veng FC, Kolasib district niin kuminah hian an district ai an awh leh dawn bawk a. Aizawl atangin Aizawl FC Academy an inlan ang a. A thlengtu district atang Lunglawn FC & Ramthar FC an inlan ang.
MFA Cup hi kum 1999 atanga khelh tan kha niin 1st Bn MAP, Aizawl district chu champion hmasa ber an ni a. Kumin hi a kum 27-na ni tawh mah se kum 2001, 2002 leh 2015 khan khelh a ni lo va. 2020 leh 2021 khan Covid-19 leng avangin khelh a ni lo bawk.
Inelna hi Februay 27, 2026-a khelh tura ruahman a ni.
Aizawl – Aizawl FC, Academy
Lunglei – Lunglawn FC & Ramthar FC
Siaha – Meisatla FC
Champhai – Kanan SC
Kolasib – Electric Veng FC
Serchhip – Hmar Veng FC
Lawngtlai – Chanmary FC
Mamit – Bawrai FC
Saitual – Keifang FC
Khawzawl – Vengthar FC
Hnahthial District – Lungleng FC