Aizawl: Central YMA hnuaia ruihhlo do tura a din Central Anti Drug Squad (CADS) Batch thar lawm luhna hun Tuikhuahtlanga Central YMA Hall-ah Thawhlehni khan hman a ni a.
He hun hi Central YMA Vice President Prof. Lalnuntluanga’n kaihhruaiin, Central YMA President R. Lalngheta’n lawm lutin thu a sawi a. Mizoram chu ruihhloin a rûn mek a, hemi do tur hian theihtawp an chhuah a tul tak zet a. Ruihhlo an dona kawngah fimkhur taka kal tur leh hmalak zelna kawngah pawh infinchhuah tawn zel turin a sawm a ni.
CADS din tharah hian member 24 awmin Convener chu Er. H.Duhkima, Treasurer, Central YMA a ni a. CADS term hi thla thum a ni ang a, an term zawh hunah batch dang inruat leh a ni ang.