Britney Spears chuan Queen of Pop Madonna chu a ngaihsan tak zet thu leh a fan rinawm tak a nih reng thu a sawi chhuak.
Kum 44 mi zaithiam chuan ka thlarau nun thlenga ka chauh chang pawhin Madonna hi min hnemtu a ni a, kan lo thawhdun tawhna hrang hrangte ka ngaihtuah let changin amahah hian zirtur tam tak ka la neih belh reng, a ti.
Mi zawng zawngin min ngaihnep a, min nuih a, baw raw taka kan khawsak chang pawhin Madonna hi ka kiangah a awm reng thin a, min fuih a, kawng dik min kawhhmuh thin, a ti bawk.
Pop star pahnihte hi kum tam tak chhung lo inzui tawh an ni a, kum 2023 a Spears-i lehkhabu tihchhuah ‘The Woman in Me’ ah pawh khan kum 2002 a Justin Timberlake nena an inthen tum, hun harsa ber a paltlang lai pawha Madonna chu a kianga a awm reng thin thu a sawi a ni.
Pop star kum 44 mi chuan, ka tan chuan zirtirtu pawimawh ber, zirlai pawimawh tak tak min hrilhtu, kawng dika min khalh ngil chhotu a ni, tiin Madonna chu hahipin a fak bawk.