Aizawl: Chief Minister Lalduhoma chuan Aizawl Western Side Bypass road laih meka leivung paih dan fel lo chu chak taka bawhzui turin a mawhphurtute a hrilh.
Thawhlehni khan state chhunga hmasawnna hnathawh liante vila harsatna an tawhte chin fel dan dappui tur leh a tul anga department hrang hrang thawhhona tichak tura din, Mizoram Pro-Active Governnance & Timely Implementation (Mi-PRAGATI) thutkhawm hmasa ber chu chief minister Lalduhoma hovin CM Conference Hall-ah an thutkhawm.
Thutkhawmah hian chief minister chuan Aizawl Western Side Bypass road laih meka leivung paih dan fel lo chu chak taka bawhzui turin a mawhphurtute a hrilh a. Contractor-in dan dik takin leivung a paih tur a ni a, dumping ground pawh dan ang thlapin a siam tur a ni a. Dan anga fel taka leivung paih a nih dawn loh chuan hnathawh pawh chawlhtir mai tur a nih tur thu sawiin, Mizoram hmun danga NHIDCL kawngpui laihah pawh chutiang bawkin leivung paihna a fel faiin dan ang thlapa kalpui zel a ni tur a ni tih a sawi.
Thutkhawmah hian Vairengte leh Sairang inkar 4 lane National Highways laih mek te, Vairengte – Sairang inkar kawngpui awmsa, thawm thatna kalpui mek te, Swadesh Darshan 2.0 hmanga Thingsulthliah Conference sak mek leh Unity Mall sak mek chungchangte an sawi ho.
Mi-PRAGATI hi nikum August thlaa din a ni a. Member te chu Principal Secretary, Secretary leh Deputy Commissioners te leh state chhunga central sorkar department / agency head te an ni.