Aizawl: December 19, 2025 atanga chin hriat loha bo Salvation Army officer nupa, Major Lalthanmawia leh a nupui, Major Rualthanpuii te chu he thu buatsaih lai thleng hian an chin hriat a la ni lo.
The Salvation Army Singapore, Malaysia, Myanmar & Thailan Territorial Headquarters-in a tarlanin, Major Lalthanmawia leh a nupui Major Rualthanpuii te chu December ni 19, 2025-a chin hriat lova an bo atangin an chanchin ngawrh taka chhui zui ni mah se, he thu buatsaih lai thlengin thu lawmawm hriat tur a la awm lo va, an chin hriat a la ni lo.
Thudawn danin, Major Lalthanmawia te nupa hi Letpanchhawng khua (Myanmar) a awm an niin, December ni 18, 2025 khan Tahan an pan a, Tahan atanga hian December ni 19,2025 khan Mizorama krismas hmang turin an nupa in bike (Kenbo) hmangin |iau an pan leh a. Hei hi an hmuh hnuhnun ber niin hemi ni atang hian an chanchin hi hriat zui a ni ta lo a ni.
Mizoram Police chuan Major Lalthanmawia te nupa chanchin hi ngaihvenin Myanmar sipai sorkar pawh an be pawp tawh a, sipai lam hian hetiang civil mi man an nei lo niin an sawi a. Mipui lam sipai PDF, CNA leh a dangte pawh be pawpin anni pawhin an chanchin an hriat loh thu an sawi a. Rin dan pakhatah chuan Major Lalthanmawia te nupa hi kawng lakah chesualin an thi em ni tih ngaihdan pawh a awm a ni.