Aizawl: Mizoram ramri hrula Operation Jerico kalpui mekah September ni 1, 2025 leh January ni 13, 2026 chhunga ruihhlo kan tawh zat hlut zawng chu Rs vbc 196.42 a tling tawh.
Mizorama ruihhlo lo lutte dan chah a nih theih nan Home Dept, Excise & Narcotics leh Central YMA-te tangkawp chuan September ni 1, 2025 khan ramri hrul khaw 22-ah Operation Jerico an kalpui a. Mizorama ruihhlo lo lutte dah chah beihpui thlak mekah September ni 1, 2025 atanga January ni 13, 2026 thlenga ruihhlo man tawh zat hlut zawng chu Rs vbc 196.42 a nih thu, tun hnaia Mizorama ruihhlo do kalpui chhunzawm dan tura rela Chief Minister Office-a thutkhawmah chief Minister Lalduhoma’n a sawi.
Thutkhawma Central YMA General Secretary Prof. Malsawmliana sawi danin, December ni 10, 2025-a kum puan ‘Ruihhlo Do’ hawn a nih hnuah, Mizoram Police te nen tangrualin, December ni 10, 2025 leh January ni 12, 2026 chhung khan ruihhlo ngai, khawlaia tei rawlai mi 192 khawm niin ruihhlo ngaite enkawlna Home-ah mi 85 dah luh an ni. Central YMA hnuaiah January ni 20, 2026 khan Central Anti Drugs Squad 24 din a ni a, hengte hian Aizawl khaw chhung Zone 10-a thente chu an vil thin dawn a ni.