Bayern Munich sporting director Max Eberl-a chuan German club hian Harry Kane-a chu a contract pawt sei tura an dawr mek thu a sawi.
Kum 32 mi England captain hian August, 2023 khan kum li atan Tottenham atangin £ maktaduai 86.4-in a zawm.
Kane-a hian Bayern tan vawi 126 khelhah goal 119 thunin a thiante thun tur vawi 30 a siamsak tawh a, 2024-25 khan Bundesliga nomawi lakpuiin a career-a nomawi a lak hmasak ber a ni.
“Harry-a hi kan dawr mek,” tiin Eberl-a hian Frankfurt-a Bundesliga event-ah a sawi.
October khan Kane-a hian Bayern-ah hian a awm zel ‘dawn chian thu’ a lo sawi tawh a, Premier League-a kir leh chu ‘a theihna tur a tam lo hle’ niin a sawi bawk.
Tun season-ah Vincent Kompany-a enkawl team tan hian vawi 30 khelhah goal 34 a thun leh tawh a, heng zinga 21 hi Bundesliga-a vawi 19 a inlan atanga a thun niin Bayern striker hlui, Robert Lewandowski-a’n Bundesliga season khata goal 41 a thun chu a khum theih hmel hle tawh a ni.
Kane-a hian Bayern hi Champions League group phase-ah pahnihna a nihpui mek bawk a, vawi khat khelh hmabak an la nei.
“Harry-a hian keini hi min ringtawk a, Munich-ah hian nuam ti takin a khawsak a ni,” tiin Bayern chief executive Jan-Christian Dreesen-a pawhin a sawi.
“Amah leh a chhungte an cheng a, hmanhmawh taka dawra chet rum rum pawh kan ngaih loh phah chhan a ni,” a ti bawk.