Aizawl : Richard Lalhmingliana (27) s/o R. Lalawmpuia, Damdawi Veng, N. Vanlaiphai chu mi kut tuarin, Thawhtanni chawhma dar 11:30 khan a thi.
Richard-a hi Thawhtanni zing dar 1:30 velah tlawh thluk a ni a, damdawi in panpui a nih hnuah chawhma dar 11 :30 khan a hliam tuar lovin a thi.
Richard-a kut thlaktua puh H. Lalruatmawia (19), Chanmari West chu Thawhlehni zing khan an chenna inah man a ni.
North Vanlaiphai Welfare, Aizawl chuan nimin khan thuchhuah siamin, Richard Lalhmingliana’n vanduaithlak taka January 26, 2026 zing lama a boral chungchangah kutthlaktu nia rinhlelh H. Lalruatmawia, Chanmari West, Aizawl, Mizoram Police ten rang taka an man nghal thei chu lawmawm an tih thu an sawi a. He pawikhawihna leh thihna chungchang pawh hi chak taka an chhui chhuah thuai an beisei tih sawiin, “Kutthlaktu hian a phu tawk hremna a hmuh ngei kan phut bawk,” an ti.
Video footage-a kutthlaktu chet dan enin pawisak nei lo, nunrawng taka chetna niin an ngaih thu leh, hetiang mi hi midangte tan pawha mi hlauhawm nia a lan avangin, hetianga tharum thawhna rapthlak tak hi a thlen tawh lohna turin kutthlaktu hi dan hmanga hrem ngei ni se an duh thu an tar lang bawk.