Lai Autonomous District Council-a sorkar thar piang mekah chairman atan nimin khan South Lungpher bialtu, Congress Member C. Lalmuanthanga thlan a ni.
Nilaini khan LADC 12-na session hmasa berah Protem Chairman C. Hrangthianga’n kaihhruaiin chairman thlan a ni a. Rorel lai United Legislature Party atanga chuhtu, C. Lalmuanthanga chu thlan tlin niin session a kaihruai zui nghal.
C. Lalmuanthanga chuan Pathian leh member-te duhsakna changa Lai rama rorelna sangah chairman dinhmun a luah thei chu lawmawm a tih thu sawiin finchhuah a ngaihnaah hreh lo turin member-te a sawm.
Chairman thar hi House Leader C.Lalsawmzuala bakah T. Zakunga leh C. Ngunlianchunga ten duhsakna an hlan a, a office a luah nghal bawk.
Ruahman lawk dan chuan chief executive member atana lak luh, C. Lalsawmzuala’n thlawptu a neih dan chu chairman thar kaihhruaina hnuaiah vawiin hian fiah a ni ang.