Aizawl: Mizoram Lok Sabha MP Richard Vanlalhmangaiha’n a rang lama Sairang leh Khamrang inkar kawng siam tha turin sorkar laipui ngiat.
Thawhlehni khan Union Defence Minister Rajnath Singh hovin Lok Sabha leh Rajya Sabha Political Parties Floor Leaders-ten Parliament Budget Session inpuahchahna atan an thukhawm a. Lok Sabha MP chuan fur ruahtui a tlak tak tak hmaa Sairang leh Khamrang inkar kawng siam vat a nih theih nan sorkar laipui chu chak lehzuala hma la turin a ngiat.
Main Committee Room, Parliament House Annexe, New Delhi-a thutkhawmah Richard Vanlalhmangaiha hian nikum fur laiin Mizoram châk lakna kawng ber a chhiat avangin harsatna a thlen thu a sawi a. Kuminah hian nikum lama Mizoramin harsatna nasa tak a lo tawh ang a thlen tawh lohna turin, sorkar laipui chu rang taka hma la turin a ngen a ni.