Aizawl: Fisheries department chuan Tuirial luia bomb hmanga sangha mangtute, Tuirial Branch YMA hruaitute chu nimin khan an pisa-a koin pawisa an chawitir bakah intiamkamna an neihtir.
Nilainia Tuirial luia bomb hmanga sangha man chungchangah an hnena report lut leh social media-a hmuh a nih angin department-in an bawhzui nghal a, an kalchilh nghal a. An chhuinaah Tuirial Branch YMA hian Mizoram Fisheries Act 2002 Section 6 (1) (a) – ‘Geletine/ explosives hmanga sangha hman phal loh’ tih chu an bawhchhe ngei tih an finfiah a ni.
Department mi leh sate an thlen hian sangha tam zawk lo hralh zawh tawh a ni a, a bangte mansak niin laboratory a enfiah hnuah dan angin hal ral a ni.