Julia Roberts chuan a pasal Danny Moder pian cham a lo thlen leh meuh chuan a hmangaih biahthu a hlan nasa hle.
January 31 khan a kum 57 na Moder hian tlingin, an nupa inngeih leh inhaw lo taka an inkuah lai thlalak Roberts hian a tarlang nasa hle a, “Ni duhawm, ka tana mipa duhawm a ni,” titein duhsakna a ziak.
Kum 2001 a inhre tan leh, inzui tan Roberts leh Moder te hi kum 2002 khan innei zuiin, fa pathum an nei tawh a, phir unau Hazel leh Phinnaeus,21 leh Henry,18 te nen an chhungkuain an la cheng ho zel a ni.
Ka hmangaih ber che a, ka duh ber che a, kan tana parmawi i ni, ti chung zelin an inneih kum 20 chu kum 2022 khan an lo lawm dun tawh a, kan tan chuan kan lawng captain tha ber a ni, te a ti bawk.
Engkima min hrethiamtu leh kan chhungkaw innghahna liau liau a ni, Roberts chuan tia sawiin, social media lamah a pasal piancham lawmpuina thuziak leh thlalak hrang hrang a dah chhuak nasa hle.