- Hmaa Hauzel
Thlahlel taka inkuah chial a, nui dun her her thin a, ‘dam lai par chu i hmang chul dun ang’ tia hmangaihthu hlan dun thinte an ni a, Robin leh Cindy te chu. Inkuah rial chungin ‘Fam chan hma chuan in then lawng aw’ te pawh an ti dun fo awm e. Chuti khawpa inhmangaih tawn a, inthlahlel chu an ni.
Tuk khat chu khua chhiain ruahthimpui a sur tluk tluk a. Ni dang nise ruah sur hnuaia mut nuam an tih \hin nen hemi tuk hi chu a dan a dang tlat. Thik thu vang pawh a ni mai thei, an tualthu a chhia. Chhe satliah pawh a ni lo, ruahsur buan buan karah meuh pawh inthen a, chhuahsan vang vang duh hial khawpin Cindy phei chu a thinrim.
A thimrim em vangin Cindy chu a insiam tau nghawng nghawng. Cindy a insiam tauh nghawng nghawng lai chuan Robin-a chuan thlem a, thiamthu han sawi a duh ru hle. Mah se, thlem a, dawl zawka han tan em chu hrehin, tlawmthlak te pawh a ti ni mah na engmah a sawi lo. A hrawkah hnawhtu a awm, a tawngchhuak thei bik tlat lova, Cindy insiam tau nghawng nghawng chu hre lo ang maiin pawn lam a thlir ngur. Hmuhnawm a tih em em thin Cindy thlir lovin hmuhnawm a tih ngai loh ruahsur chu hmuhnawm tiawm takin a thlir. Cindy chu thlem beiseia insiam der satliah a ni lo. Ruahsur buan buan karah chuan kawngka em pawh khar lovin a chhuak tau ta nghawng nghawng a.
Ruahsur buan buan kara Cindy pen thawm a reh a, hmuh zui tur reng awm lovin a kal liam ta daih. Cindy a liam tak hnu chuan Robin-a tan chuan an hlim dunna run chu run ram, Inruak leh luah luah loh run ang maia khawhar a lo chang zo ta. Khawhar takin a tei ruk ruk a, a thinrim a reh a, a luhlulna te tui ang an nem zo ta. Chu tah chiah chuan Cindy a ngaih zia, a hmangaihzia, a thlalhlelhzia leh mi dang hmangaih leh duh zawk a neih lohzia a hrechiang thar leh zual a. Chuti fakaua a hmangaih leh a thlakhlelh ni si a chhuak tur a lo dang luih loh vangin a inchhir ta vawng vawng bawk. Inchhir teh mah se a tan khua a tlai zo tawh a ‘inchhirin ban a chen’ tih zawng zawng kha a chan alo ni zo ta.
Cindy chu hmuh leh biak tur awm ta si hek lo le..Robina khawhar leh lunglen chuan tuktin khartung sawnin khua a chuan a. A lo let leh mial mai long maw…tia duhthusam chungin raltiang a thlir vauh vauh thin. Suangtuahnain a zawng vel ruai ruai \hin a, ‘Aw khawiah \uan che maw?’ tiin a dawn a. Anka chhawntu reng a tawng tawh si lo.
Cidy hmel hmuh tur reng reng awm thei ta si lo chu le ngaihtuahna thar a nei a, lehkha tal a rawn thawn beiseina a nei. Chuti tehtawpa a kalsan hlen mai chu a ring phal bik ngang lo. K Hminga’n ‘Inchhirin thiamthu chauh pawh vawi khat tal min hlan ve dawn lawm ni?’ a ti ang deuh khan Cindy chu a rawn insawithiam ve te a ring a. Lainatna leh ngaih rukna te pawh a neih ve a ring ru ve thin. Cindy lehkhathawn vawi khat lek pawh dawng se chhanletna za tam thawn let thei turin lehkhathawn tur a ziak kur nguai a, chu a lehkha ziah chu a lungleng mittuiin a far kauh kauh thin. Lehkhathawn a ziah laite chuan, ‘Min liam san… ka thlakhlelh lai ber che in…..” tih hi a ziak nawn sek thin.
‘Min liamsan’ tia an lehlin “Just When I Needed You Most” tih hla hi Randy VanWarmer phuah a ni a, a mahin a sa bawk. He hla hi 1979 khan a tichhuak a, tun thlengin mi tam takin an sa a, hla mawi leh lunglenthlak tak mai a ni. Dolly Parton sak hi kei chuan ngaihnawm ka tiin ka ngaithla ngun ber. Mizo Idol Emanuela-a pawh hian Dolly Parton sak hi a ngaithla ngun ve a nih ka ring, an rimawi kal hmang a inzul riau. Emmanuel-a aw phawi tak hi chu a phuahtu Randy Vanwarmer aw phawi nen a inang viau thung. Ruah a’n sur cherh cherhte hian he hla hi a ngaihnawm bik riau thin.
Sap hlaa kan ngaihthlak thin kha Mizo Idol thlannaah Idol ni zui ta Emanuel Lalremruata’n Mizo tawng ngei maiin a rawn sa a, a sa thiam hle mai bawk si a, a lawmawm ngawt mai. Mizo hla ngeia ngaihthlak tur a awm hi a lawmawm tih loh rual a ni lo. A thluk nen inmil tura an kaitawi thiam a, hla thu tha tak an zep tel thiam te hi an fakawm. Emanuel-a hian Sap hlaa ngaithla \hinte lunglen hnem a, an tuihalna zawng zawng a phuhruk zo em lo a nih pawhin dang zawng a hnawn chiang a lawm.
Just When I Needed you Most
Phuahtu – Rany VanWarmer
You packed in the morning, I stared out the window
And I struggled for something to say
You left in the rain without closing the door
I didn’t stand in your way
But I miss you more than I missed you before
And now where I’ll find comfort, God knows
‘Cause you left me just when I needed you most
Left me just when I needed you most
Now most every morning, I stare out the window
And I think about where you might be
I’ve written you letters that I’d like to send
If you would just send one to me
‘Cause I need you more than I needed before
And now where I’ll find comfort, God knows
‘Cause you left me just when I needed you most
Left me just when I needed you most
You packed in the morning, I stared out the window
And I struggled for something to say
You left in the rain without closing the door
I didn’t stand in your way
Now I love you more than I loved you before
And now where I’ll find comfort, God knows
‘Cause you left me just when I needed you most
Oh yeah, you left me just when I needed you most
You left me just when I needed you most