Aizawl: Champhai North bialtu MLA Er H Ginzalala chuan Himachal Pradesh atanga lakluh thlai tiak chi hrang hrang a sem.
H Ginzalal-a hian Nilaini khan a bial chhung khaw thenkhat tlawhin Hnahlan Lailiphai leh Khuangphah rama chin tur thlai tiak chi hrang hrang a sem a. He thlai chi tiak te hi Dr. YSP University of Horticulture & Forestry, Nauni, Solan, Himachal Pradesh atanga lak luh Pear, Peach, Plum, Apricot, Persimmon leh Kiwi an ni a. Tunah hian Lailiphaiah pilot project anag hmalak tum a ni.
Bialtu MLA hian Khuangphah rama phun tur Kiwi tiak eng emaw zat a pe bawk.
Er H Ginzalala, MLA chuan NABARD atanga hmuh Laili Phai Agriculture Link Road laih mek a tlawh nghal a. He link road hi PCC km hnih khawih tura ruahman a ni a, PCC km hnih bakah kawng thar kilometer li vel laih tur a ni.