Karleh hian college hrang hrangte mipa leh hmeichhia volleyball inelna khelh a ni dawn a, mipa team 10 leh hmeichhe team sarih an inlan dawn.
Thawhtanni atangin LPS Arena, Falkland, Aizawlah Mizo Zirlai Pawl(MZP) leh Mizoram Volleyball Association (MVA) buatsaih D-3 Inter College Volleyball Tournament 2026 hi khelh tur a ni a, fixture pawh tlangzarh a ni tawh.
Inelna hi a tan ni leh Thawhlehniah chhunah khelh a ni ang a, a bak zawng chu zan lamah khelh a ni dawn thung a ni.
Mipa hi pool paliah thenin Pool A leh D-ah team hnih ve ve an awm a, a dang pahnihah team thum ve ve an awm thung a. Hmeichhia hi PoolA-ah team thum leh Pool B-ah team li an awm bawk.
Pool khata awmte hi an inkhelh kual hnuah a sang pahnih zelin quarterfinal an lut ang a. Final hi Inrinni zanah khelh tura ruahman a ni.
MIPA POOL THEN:
A – Govt, Hrangbana College (G), Govt. J. Thankhima College
B – Govt. T. Romana College, Govt. Aizawl College (B), Govt. Aizawl West College
C – Pachhunga University College, Govt. Hrangbana College (R), Govt. Johnson College
D – Govt. Aizawl College (B), Govt. Aizawl North College
HMEICHHE POOL THEN:
A – Govt. Hrangbana College, Govt. Aizawl West College, Women’s Polytechnic
B – Govt. Aizawl College, Pachhunga University College, Govt. Residential Science College, Govt. Aizawl North College