Aizawl: Union Minister of Environment, Forest & Climate Change Kirti Vardhan Singh hnenah Lok Sabha MP Richard Vanlalhmangaiha’n forest clearance hmuh theih loh avanga NIT Mizorama hna thawh theih a nih loh thu thlen.
Ningani khan MP Richard Vanlalhmangaiha hian union minister chu parliament-a a pisa-ah a kawm a. NIT, Mizoramin forest clearance an hmuh theih loh avanga hna thawh theih a nih loh thu a thlen a. Mizoram sorkarin tih tur tul zawng zawng a tihfel tawh thu hrilhin, central ministry lamin a rang lama tihfelsak turin a ngen a. NIT chu Mizoram tana institution pawimawh tak a ni a, thangthar lo la awm zel turte tan zirna in chhenfakawm tak a nih tur thute a sawi bawk.
Vardhan Singh-a chuan a rang lama tihfelsak turin hma a lo laksak tur thu a lo hrilh a ni.