Mizoram sorkar leh Himachal Pradesh-a Opickpure Organic Pvt. Ltd. chu Khuangleng Secondary Collection Centre-a sawhthing lei turin an inrem.
Opickpure hi Khuanglenga Sawhthing sawngbawlna tur dintute an ni a, Inrinni tlai khan MINECO-a Mizoram Agricultural Marketing Board (MAMB) Office Committee Room-ah Agriculture Minister PC Vanlalruata hova inbiain Khuangleng Secondary Collection Centre-a khaw 12-te sawhthing thar chu Kg. khat Rs. 40-a lei turin an inrem a, sawhthing hi quintal 50.000 an lei dawn a, hemi man tur hi cheque hmangin Opickpure Organic Pvt. Ltd. Founder leh Managing Director, Vikrant Singh-a’n Agriculture Minister PC Vanlalruata hnenah a hlan nghal a ni.