Thawhlehni khan Mamit district khawthlang lam leh ram pawn lam atanga min rawn kalpawhna kawngpui pawimawh tak zinga mi Tlawng lei chu chief minister Lalduhoma’n hawngin, a zuitu thahnem tak an awm bawk.
Tlawng lei hi meter 100 a sei, meter 7.5 a zau a ni a, metric ton 385 dawl zo tura ngaih niin, ministry of road transport & highway sum cheng vbc 43.83 senga sak zawh a ni.
He lei hawngtu CM chuan kan ram hmel lanna, lei pawimawh tak ni bawk anih thu a hawnnaah hian sawiin, mipui lam pawhin dimdawi taka kan enkawl chhoh a tul hle.
Hetihlai hian kan ram hotu lu berin a hawng hluai mai hi an campaign auhla atanga thlirlet chuan a holam viauin a lang a, mahse a tul an tih miau chuan sawisel theih a awm chuang lo.
A pawimawh ber zawk chu kan dimdawi a, phal chin bituk aia sanga kan hman loh a ni ber a, sorkar pawhin an hawng ta sa sa, duty tur darkar 24 chhung dahin, dimdawi taka enkawl a, lo enfiah tur mihring dah reng thei bawk se la, chim leh chhe lo turin enkawl zui ni mawlh teh se.