Aizawl: Nilaini kha UPC North East India din champha vawi 76-na a ni a, he ni hian an kohhran pisate pawh an khar.
February 18 hi UPC North East India Kohhran missionary hmasa ber, Rev. Ellis Luther Scism-a’n Mizoram a luh ni a ni a, he ni Executive Board Rorel chuan kum 1999 khan an kohhran din niah pawmin kohhran office-te pawh an khar thin.
Rev. Scism hian Pathian hnen atangin India-a missionary tura kohna dawngin kum 1948 khan India a lut a. Adoor, Kerela-ah Bible School dinin bul a tan a. Mizorama mi hlimhote nena rawngbawl mek, R.A Dover-i te nen inbiain February 18, 1950 (Inrinni)-ah Mizoram a thleng a, hmun hrang hranga thlarau thianghlim hnathawh avanga tihduhdah leh nekchepna tuarte awm khawm nan UPC Kohhran hi din a ni ta a ni.