Aizawl : Adviser to CM (Technical) Er. H. Ginzalal, MLA, PWD Minister puitu leh NHIDCL hotuten Kolasib leh Sairang inkar kawng (NH-306) siam mek chungchang sawi hovin an inkawm.
Inrinni tlaia Aizawl Peak Restaurant-a an inkawmnaah, Mizoram chak lak luhna kawng NH-306 Kolasib leh Sairang inkar kawng siam mek chungchang an sawi ho va. He kawng siam mek hi NHIDCL hotute chuan, tun thal chhung ngeia siam zawh a nih tur thu leh, fur a lo thlena harsatna lo awm palh thil thuah boulder leh rora hman theih mai tura dahkhawm an tum thu te an sawi.
Adviser to CM Er Ginzalala chuan NHIDCL hotute hnenah Kolasib leh Sairang inkar kawng hi Mizoram chak lak luhna ber a nih avangin chak taka hna thawk tur leh fur ruah tui tlak hunah buaina tawk lo tura theihtawp chhuah turin a ti a. Tun thal chhung ngeia a tha thei ang bera siam zo turin a hrilh bawk.