Latin zaithiam Shakira chuan April thla hian India leilungah concert a neih tur thu a tichiang.
Ruahman dan chuan Shakira hian Mumbai leh Delhi-ah tour neiin, a perform dawn a, a hla lar hrang hrang a sa dawn a ni.
Grammy award leh Guinness world record nei mektu hian April 10 hian Mahalaxmi Racecourse, Mumbai-ah show neiin, April 15 ah Jawaharlal Nehru stadium, Delhi-ah a perform dawn bawk a, tun tum hi kum 19 hnua India leilung a rawn rah lehna tur niin, kum 2007 khan Mumbai-ah a lo perform tawh a ni.
Shakira chuan India leilung rah a chak tawh thu sawiin, Mumbai leh Delhi-a a fan te chu lo inring turin a sawm a, concert thil tum ber naupang ten an thanlen theih nana an mamawh ei leh in tur an neih theih nana theihtawp chhuah a nih hrereng turin a chah bawk.
Ticket hi District by Zomato atang chauha lei theih niin, February 27 atanga March 1 thleng lei theih tura ruahman niin, ticket lei tum an tam hle tawh nia sawi a ni.