US sipaite chuan ruihhlo tawlhrukna kawnga thla tam tak hma an lak hnuah pawh tha thlah lovin beihpui an la thlak chhunzawm zel a, thawhtanni khan Caribbean tuipui kama ruihhlo tawlhrukna lawng nia sawi lawng an beihnaah mi pathum an thah thu an sawi.
Nikum September thla tir lam atang khan Trump administration chuan ruihhlo tawlhna lawng dap beihpui hi ngawrh zawka thawk tanin, a inhnamhnawih tam takin nunna an chan tawh a, tuna nunna chan tawhte nen mi 151 an tling tawhin sipaite chuan an sawi bawk.
US president Donald Trump chuan an ram luhka pawimawh tak tak, tuipui atanga luhna thlengin ruihhlo tawlh ven hna hi an thawh thu hun hmasa lamah a lo sawi tawh a, a sipaite chu a inhnamhnawihte dim lo turin thu a lo pe tawh bawk a ni.
Hetih lai hian Democratic lam chuan Trump administration chet dan hi dem thungin, mi thah leh indona chauh ngaihtuahah an puh a, tualthahna dik tak nia sawii, an chet dan zawng zawng chu dan kalh a nih thu an sawi a, Republican lam erawh chuan dan anga che an nih thu an sawi thung.