Aizawl : SASCI sum Rs vbc 8 senga District Civil Supplies Office (DCSO) Aizawl East leh Aizawl West Office building thar sak tur lungphum chu Food, Civil Supplies and Consumers Affairs Minister B. Lalchhanzova’n MINECO-ah Nilaini khan a phum.
Lungphum phumna inkhawmah Supply Minister B. Lalchhanzova chuan, Aizawl district a DCSO Office pahnih awm te chu an awmna a inhlat deuh avangin leh office building pahnihte chu mi mal in, sum chawia luah a nih ve ve avangin mahni puala office thar a ding tur chu lawawm a tih thu a sawi a. Kum 39 zet mahni puala DCSO Aizawl ten office building an lo la neilo chu pawi a tih thu sawiin, office tha tak an nei ve tawh tur chu lawmawm a tih thu a sawi.
Miniser chuan Office hlui leh chul rup mai hian a thawktu leh a dawrtute rilru thui takin a nghawng thu sawiin, office thar tha tak an neih hunah chuan thawktute pawh phurna nasa zawk a pek a beisei thu a sawi a ni. Mahni bialtu DCSO hriat fuh loh avangte, DCSO awmna in transfer ngai te leh office pahnih dawr kawp ngaite tan chuan DCSO pahnih te hmun khata dah khawm anni tur chu an tana awlsamna thlentu anih bakah sum leh hun tam tak an hum theih phah a beiseia chu chu a lawmna ber anih thu a sawi bawk.
Lungphum phumna hun hi FCS&CA Secretary Teresy Vanlalhruaii’n a kaihruaiin, FCS&CA Addl Secretary Dr Andrew H.Vanlaldika’n thu a sawi bawk.