Aizawl : Lengpui Joint Committee chuan Indian Air Force (IAF) ram leina turah NOC an pek loh thu an sawi.
Nilainia thuchhuah an siamah Lengpui Joint Committee chuan Lengpui rama IAF-in ram lei chungchangah Lengpui VC leh YMA te’n NOC pe nia sawi awm chu thil awm san sawifiahin, Lengpui VC leh YMA Branch pahnih te chuan IAF ram leina turah hian NOC an pe lo tih an sawi.
Lengpui Joint Committee chuan Aizawl DC Office-ah pawh hemi chungchang hi an zawhfiah thu tar langin, Lengpui VC leh YMA atangin NOC pekna document hi Aizawl DC Office-ah engmah hmuh a nih loh avangin, NOC an pe lo tih chu thudik tak a nih thu an sawi.
NOC pe anga sawina awm hi ri chhuak tawh lo se an tih bakah, NOC pe anga sawina lo awm thin chu hriatsual palh ni ngeiah Lengpui VC leh YMA (Lengpui Branch YMA & Model Branch YMA) chuan an ngaih thu an sawi.