Aizawl : Central YMA hnuaia ruihhlo do pawl Central Anti-Drug Squad (CADS) leh Excise tangdunin khawchhak lam atanga Mizorama heroin a hlawma la luttu ber Vanlalena an man.
Central YMA-in City Branch YMA-te zone hrang hranga a then, Zone Anti Drugs Squad (ZADS) zinga Zone II-te chuan February ni 23 zan khan Heroin (No.4) Tic Tac bur 6 an man a. Hemi hnu hian CADS te kuta hlan niin, an ruihhlo lakna an chhuina kal zelah khawchhak lam atanga heroin a hlawma la luttu ber Vanlalena, kum 43, s/o Zachunga (L) chu |huampui Vengah an man.
Vanlalena chuan a heroin semchhuah bang a dahna dik tak a sawi mai duh lova, tlaivara an zawn hnuah February ni 24 zan khan an inah a nupui a dah that tir thu a sawi a. A nupui thu zawh fiah a nih hnuah heroin hawng hnih chu commode-a a paih vek tawh thu a sawi a, an in a cheng ve an unaupa Lalrinkima (49) chu ramhnuaiah a dah thattir thu a sawi leh ta zawk a ni.
CADS, Excise Narco leh |huampui Branch YMA-te chuan ramhnuai chu dapin, heroin hawng hnih thuhruk chu an manchhuak ta a ni.
Central YMA hnuaia ZADS a Zone II-ah hian Branch YMA hrang hrang — Durtlang, Durtlang Leitan, Durtlang North, Leitan Ramthar, Muthi, Nausel, Selesih, Sihphir leh Sihphir Venghlun-te an tel a ni.